Wo Log Adhe Adhure Hai Yaaro

Insaan ko dekha kheto mein,
goli aur chaku bota hai.
barood ki fasal dimaag mein bhar ,
apne kandho pe dhota hai

nafrat ko pyar woh karta hai,
dushman ke husn pe marta hai
hinsa ko dulhan banata hai
gandhi ko bhulta jata hai

jab chhat girti hai apni hi ,
tih baith ke jhootha rota hai
Insaan ko dekha kheto mein,
goli aur chaku bota hai

kaisi roti woh khata hai ,
kaisa woh paani peeta hai .
kaise sapno mein jeeta hai ,
woh apna khoon hi peeta hai

uska hai nasha aisa yaaron ,
woh kafan odh ke sota hai
Insaan ko dekha kheto mein,
goli aur chaku bota hai

koi dharam nahin ye kehta hai ,
insaan ko sabji sa kaato
chand sone ke sikko ke liye ,
dushmanke talve chaato

main usko mard nahin kehta,
woh mard nahin khota hai,
insaan ko dekha kheto mein ,
goli aur chaku bota hai